Mesa redonda 11F: ‘De nenas a investigadoras: o camiño da ciencia’

A investigación de excelencia da USC, no marco da iniciativa Ciencia Singular e a través dos seus centros singulares CiMUS, CiQUS, CiTIUS e IGFAE, diríxese de novo á sociedade para celebrar cos centros educativos de toda Galicia o Día Internacional da Muller e a Nena na Ciencia 2021. En formato virtual, a actividade busca achegar as experiencias de investigadoras de diferente perfil e etapa profesional, co obxectivo de promover vocacións científicas entre as rapazas novas.

Investigadoras en fase predoutoral, posdoutoral, xefas de grupo e directivas dos catro centros singulares da USC contarán as claves, anécdotas e logros das súas traxectorias, a fin de espertar a chamada da ciencia en nenas e mozas que decidan orientar a súa formación cara a diferentes ámbitos da ciencia.

Moderada pola responsable de comunicación do Instituto Galego de Física de Altas Enerxías (IGFAE), Elena Mora, a mesa de debate contará coa participación de:

• Paula López, directora adxunta do CiTIUS

• María Giménez, investigadora principal do CiQUS.

• Catarina Allegue Toscano, investigadora posdoutoral do CiMUS.

• María José Gómez, investigadora predoutoral do IGFAE.

  Esta actividade terá lugar a partir de as 10:00 do próximo 11 de febreiro, xoves, e poderase seguir en directo a través de videoconferencia.

  A participación na xornada é de acceso libre e require Inscribirse a través do  formulario web disposto pola organización:

  INSCRIBIRSE NESTA XORNADA