Oferta de traballo para desenvolvemento web
O Centro Singular de Investigación en Tecnoloxías da Información da Universidade de Santiago de Compostela (CITIUS) selecciona candidatos para o deseño e implementación de nova funcionalidade na plataforma web de xestión da investigación e noutras ferramentas web de apoio á actividade investigadora e de difusión do centro.
Requisitos mínimos para presentación do candidato
- Estar en posesión dalgún dos seguintes títulos ou equivalentes:
- Técnico Superior en Administración de Sistemas Informáticos ou en Desenvolvemento de Aplicacións
- Enxeñeiro Técnico en Informática de Sistemas
- Graduado en Informática
- Coñecementos das linguaxes MySQL, PHP e JavaScript.
- Coñecementos dos estándares HTML e CSS.
Habilidades valorables positivamente:
- Experiencia cos entornos de traballo CakePHP, Twitter Bootstrap e Jquery.
- Experiencia en deseño e maquetación utilizando ferramentas libres e HTML5/CSS3.
- Coñecemento das linguaxes Perl, Ruby, Python e Bash.
- Soltura no manexo de sistemas GNU/Linux.
- Capacidade de organización do traballo.
- Toma de decisións e iniciativa propia.
- Compromiso cos obxectivos da organización.
Tarefas a desenvolver:
- Ampliar as funcionalidades dun sistema de xestión da información para a organización, tomando como punto de partida un sistema que consta dunha ferramenta creada utilizando CakePHP, Twitter Bootstrap e JQuery, cunha base de datos funcionando sobre MySQL.
- Asistencia ó desenvolvemento de solucións web segundo as necesidades do centro e colaborar no mantemento dos sistemas actuais en funcionamento. As tarefas desenvolveranse en colaboración e constante comunicación co persoal de apoio do centro.
Para máis información, ver o documento adxunto. Os interesados ou interesadas poden enviar o seu currículo mediante correo electrónico a citius.tic@usc.es ata o día 9 de Maio de 2014.