Relatorio: 'Da innovación impulsada pola tecnoloxía á innovación impulsada pola sociedade na era das transformacións dixitais'

No panorama en continua evolución das transformacións dixitais, a converxencia de tecnoloxías de vangarda, como a realidade virtual (RV), a realidade aumentada (RA), o Internet das cousas (IoT) e a intelixencia artificial (IA), está remodelando o tecido da nosa vida cotiá. Nesta presentación, explorarei o cambio dinámico da innovación impulsada pola tecnoloxía á innovación impulsada pola sociedade, destacando o crecemento exponencial das innovacións dixitais baseadas na tecnoloxía en relación cos retos sociais.

Facendo fincapé no concepto de innovación social na era dixital, o debate centrarase no deseño e o apoio a sistemas, produtos e servizos que aproveitan as tecnoloxías dixitais para crear un valor tanxible para os usuarios, en particular para facer fronte ós apremiantes retos sociais. Presentaranse e debateranse exemplos de proxectos de investigación en curso na Universidade Linnaeus de Suecia. Esta charla servirá como unha exploración convincente da intersección entre tecnoloxía e sociedade, ofrecendo novas perspectivas para navegar polas complexidades da era dixital.

Biografía

Marcelo Milrad é catedrático de Tecnoloxía dos Medios de Comunicación no departamento de Informática e Tecnoloxía dos Medios de Comunicación da Universidade Linnaeus (LNU) de Suecia. A súa investigación abarca diversos campos, como a aprendizaxe potenciada pola tecnoloxía (TEL), a interacción avanzada entre o ser humano e o ordenador, as aplicacións innovadoras de técnicas de intelixencia artificial (IA) e as tecnoloxías móbiles nos ámbitos da educación e a sanidade. Cunha ampla experiencia en investigación interdisciplinar e colaboración educativa, o profesor Milrad está á vangarda do aproveitamento das tecnoloxías da información para mellorar as experiencias de ensino e aprendizaxe. Dende marzo de 2020, é o principal coordinador científico do entorno de coñecemento interdisciplinar da LNU, Digital Transforations, que fomenta a colaboración en diversos campos. Ademais, o Dr. Milrad participa activamente nunha iniciativa da LNU xunto a colegas da Facultade de Artes e Humanidades, coñecida como Humanidades Dixitais, que fomenta os enfoques interdisciplinarios da investigación e a educación.

A investigación do profesor Milrad caracterízase pola estreita colaboración con socios industriais e o sector público, o que facilita o desenvolvemento e a aplicación de tecnoloxías de vangarda en entornos reais. Actualmente, é o investigador principal do proxecto de investigación Extending Design Thinking with Digital Technologies, apoiado pola Comisión Europea (2022-2025, 3,2 millóns de euros), cuxo obxectivo principal é integrar ferramentas dixitais e tecnoloxías emerxentes para mellorar os procesos de ideación de deseños. Con máis de 250 publicacións en revistas internacionais, conferencias arbitradas, libros e informes técnicos, o traballo do Dr. Milrad contribuíu significativamente ós campos da tecnoloxía dos medios da comunicación e a educación. Tamén realizaou presentacións e conferencias sobre a súa investigacións en máis de 45 países de todo o mundo, fomentando o discurso global sobre a intersección da tecnoloxía e a educación.