Senén Barro presenta o CiTIUS no 20° aniversario do foro ‘Future Trends’

«Hoxe só mencionarei tres; pero, dunha forma ou outra, todas as liñas de investigación do CiTIUS teñen unha potencial aplicación na neurotecnoloxía». Con estas palabras comezaba hoxe Senén Barro a súa intervención no foro 'Our future selves: from repairing to enhacing human capabilities, un encontro organizado no marco de 'Future Trends', un laboratorio de ideas (ou 'Think Tank') promovido pola Fundación Innovación Bankinter, que en 2023 celebra a súa vixésima edición.

Ao longo da súa intervención neste encontro, enmarcada nun panel titulado 'Entidades de Intelixencia artificial e Neurociencia', o máximo responsable do CiTIUS compartiu cartel con Vikto r Jirsa, director científico de EBRAINS : unha nova infraestrutura dixital de investigación financiada pola Unión Europea a través do Proxecto Cerebro Humano, que reúne unha ampla gama de datos e ferramentas para a investigación relacionada co cerebro.

Tras unha breve introdución sobre o centro e o seu persoal, Senén Barro debullou algúns dos resultados recentes do CiTIUS. En primeiro lugar, destacou as achegas recentes na área do deseño de chips intelixentes: «un dos principais resultados da nosa área científica relacionada co deseño electrónico de dispositivos intelixentes é o desenvolvemento dun recolector de enerxía luminosa biocompatible e totalmente autónomo», indicou. «Partindo dunha cantidade ínfima de enerxía -que podería proporcionar o propio organismo- podemos amplificarla para alimentar outros chips -como sensores- en calquera parte do corpo, incluído o cerebro» Tamén na área de deseño de chips citou a participación do centro no proxecto MISEL., «cuxo obxectivo é levar a intelixencia artificial ao propio hardware» (*edge computing), «*e conseguir un sistema de visión autónomo e bioinspirado, optimizado tanto en tamaño com en peso ou consumo». Un proxecto que abre o camiño a unha nova xeración de dispositivos «potencialmente implantables, mesmo no cerebro».

Así mesmo, o director científico citou tamén o traballo desenvolvido no Laboratorio de R ealidades Intangibles do CiTIUS, implicado en como pode utilizarse a Realidade Virtual multi-persoa en contribucións a campos como a simulación científica, a visualización de datos ou a educación. «Un dos resultados máis recentes e interesantes demostra que a RV pode producir efectos perceptivos comparables aos das drogas psicodélicas, sen os seus riscos asociados», engadiu.

Finalmente, Senén Barro aludiu á liña de investigación centrada no paradigma de Aprendizaxe Federada: «aplicamos esta técnica para detectar automaticamente a actividade física dunha persoa, simplemente utilizando os sensores inerciales do seu smartphone», afirmou. «Pero tamén é posible, por exemplo. diagnosticar as primeiras fases da enfermidade de Alzheimer/Alzheimer a partir dos patróns de movemento durante a nosa vida cotiá, ou diagnosticar a enfermidade de Parkinson a partir dos patróns de escritura nos teclados dos dispositivos persoais, cando a enfermidade empeza a aparecer». O director do centro fixo fincapé nun dos asuntos clave, a privacidade da información: «unha das características da Aprendizaxe Federada é que os datos que se obteñen de cada dispositivo só se utilizan para aprender un modelo local, que será o que posteriormente se utilice no marco dun modelo global». «A principal vantaxe de iso», indicou, é que «este modelo global ofrece mellores resultados de saída que os modelos locais e, ao mesmo tempo, é capaz de preservar a privacidade dos usuarios, porque os datos que serven para crear o modelo exportado nunca chegan a saír dos dispositivos, respectando así a intimidade das persoas». «Sen dúbida, as posibilidades das neurotecnoloxías e a IA son enormes, e aínda están por descubrir e desenvolver», concluíu.

Future Trends Forum: dúas décadas reflexionando sobre o futuro

Coa presente edición, o Future Trends Forum (FTF) da Fundación Innovación Bankinter cumpre 20 anos reunindo a prestixiosos expertos, que profundan nas fronteiras do coñecemento innovador. Trátase dun laboratorio de ideas (tamén coñecido polo anglicismo "Thinl tank") un **grupo de expertos, **referentes internacionais nos seus campos, **que reflexionan ou investigan sobre asuntos de relevancia **para analizar as tendencias que definirán o futuro, cun claro propósito: anticipar e compartir o coñecemento que permita transformar a sociedade a través da innovación.