Visitas

As visitas guiadas, feitas polo noso persoal investigador e adaptadas á idade dos visitantes, inclúen demostracións interactivas das liñas de investigación do CiTIUS. O estudantado poderá coñecer as nosas instalacións e visitar os nosos laboratorios da man do noso equipo investigador.

As visitas diríxense principalmente a grupos de estudantado de colexios, institutos ou asociacións interesadas en coñecer a investigación que realizamos no CiTIUS. Con isto perseguimos dous obxectivos principais:

• Estimular novas vocacións entre os mozos, non só dende o interese polas novas tecnoloxías, senón tamén dende a creatividade e o enxeño.
• Dar a coñecer á sociedade a actividade científica do noso centro, explicando a utilidade dos nosos resultados.