Defensa de tese: 'BigOPERA: unha asignación de recursos oportunista e elástica para contornas Big Data'

A creciente demanda de aplicacións intensivas en datos exixe unha xestión de recursos máis escalable, flexible e sostible nos marcos de Big Data. Esta tese presenta BigOPERA, un sistema híbrido de asignación de recursos que integra a computación oportunista en Apache Spark. Ao combinar recursos dedicados e non dedicados, BigOPERA mellora a elasticidade e a tolerancia a fallos sen requirir cambios no núcleo de Spark ou nas aplicacións de usuario.

A arquitectura aproveita a execución en contedores e un programador de dúas capas para asignar recursos de forma dinámica en función da dispoñibilidade. Os resultados experimentais confirman melloras no rendemento, a eficiencia e o impacto medioambiental. BigOPERA ofrece unha extensión práctica e sostible aos despregamentos existentes de Spark, abrindo o camiño para unha computación en clúster máis adaptativa e consciente da enerxía.

• Directores: José Carlos Cabaleiro Domínguez e Feras Mahmoud Naji Awaysheh.