Co motivo do Día Internacional das Nenas nas TIC Girls In ICT 2025, o CiTIUS presenta un novo podcast no que oito mulleres comparten experiencias e reflexións arredor dos seus estudos, a súa carreira investigadora e o seu vínculo coa tecnoloxía.

A conversa está moderada por Marta Núñez García, investigadora Ramón e Cajal do CiTIUS, cunha sólida traxectoria internacional no campo da imaxe médica e o aprendizaxe automático (https://citius.gal/gl/team/marta-nunez-garcia/)..)

Na mesa de diálogo:

• Clara Álvarez e Noa Diz – Estudantes do Grao en Intelixencia Artificial (USC)

• Constanza Andión e Carolina Pavez – Investigadoras predoutorais no CiTIUS

No público:

• Eirena Souto, Xiana Oliveira e Elena Couto – Tamén estudantes do Grao en Intelixencia Artificial na Escola Técnica Superior de Enxeñaría da Universidade de Santiago de Compostela (ETSE-USC).

Unha charla próxima, en directo e sen filtros que busca motivar ás rapazas máis novas a seguir a súa vocación STEM e demostrar que tamén hai referentes que falan o seu idioma, comparten as súas dúbidas e recorreron ese mesmo camiño.

Unha iniciativa do CiTIUS (Universidade de Santiago de Compostela), no marco do Día Internacional das Nenas nas TIC, promovido pola ITU telecommunication.