HumanModel: Estratexias lingüísticas para humanizar os grandes modelos de linguaxe

O proxecto HumanModel investiga estratexias lingüísticas para mellorar os grandes modelos de linguaxe (LLMs) e achegalos a procesos de aprendizaxe máis próximos ao funcionamento da linguaxe humana. A proposta aborda limitacións clave destes modelos (como a falta de transparencia, os problemas de fiabilidade, os sesgos e o predominio do inglés) mediante métodos baseados na lingüística, corpus de tamaño humano, integración de coñecemento externo e avaliación lingüística específica. Ademais, pon especial atención no diasistema galego-portugués co obxectivo de desenvolver modelos máis inclusivos, interpretables e socialmente responsables.

Obxectivos

O obxectivo xeral de HumanModel é desenvolver modelos de linguaxe máis fiables, transparentes e inclusivos mediante a integración do coñecemento lingüístico no seu deseño e adestramento. Para iso, o proxecto propón crear corpus de tamaño comparable á aprendizaxe humana, explorar mecanismos composicionais guiados por información sintáctica, desenvolver modelos para o diasistema galego-portugués, mellorar a fiabilidade mediante coñecemento externo, reducir os sesgos nos datos de adestramento e crear novos conxuntos de avaliación lingüística para analizar con maior precisión as capacidades destes modelos.