Infraestruturas TI

As infraestruturas de computación do CiTIUS utilízanse como ferramenta da actividade investigadora, para o desenvolvemento de proxectos en colaboración co sector industrial e como soporte da actividade diaria do centro.

As ditas infraestruturas alóxanse nun moderno CPD de 22 m² e 8 armarios de 48U situado no soto do edificio do CiTIUS e permiten ao CiTIUS dispor da capacidade para desenvolver proxectos e servizos nas seguintes liñas:

• Paralelización de aplicacións
• Optimización de aplicacións en arquitecturas multinúcleo
• Optimización de aplicacións por medio de computación en GPGPU
• Deseño e desenvolvemento de arquitecturas cloud

Dispoñemos dun clúster heteroxéneo de computación no que o persoal investigador do centro pode executar aplicacións computacionalmente custosas, composto por 16 nodos:

• 9 nodos Dell R740, cada un con dous procesadores Intel Xeon Gold 5220R de 24 cores e 192 GB de RAM.
• 1 fat node Dell R840 con catro procesadores Xeon Gold 6248 de 20 cores e 1 TB de RAM.
• 2 nodos Dell R7525 con dous procesadores AMD EPYC 7543 de 32 cores, 256 GB de RAM e dúas GPUs NVIDIA Ampere A100.
• 2 nodos Dell R740 con dous procesadores Intel Xeon Gold 5220 de 18 cores, 192 GB de RAM e dúas GPUs NVIDIA Tesla V100s.
• 2 nodos Dell R7725 con dous procesadores AMD EPYC 9255, 384 GB de RAM e dúas GPUs NVIDIA L4 de 24 GB cada unha.

O clúster conta cun almacenamento distribuído de alto rendemento usando BeeGFS interconectado por unha dobre rede de fibra a 25Gb con mais de 200 TB de capacidade.

Dispoñemos de varios servidores equipados con diferentes tarxetas gráficas para aqueles usuarios que precisen este tipo de infraestruturas para a execución dos seus programas ou para desenvolver aplicacións baixo o paradigma de computación GPGPU.

Servidor SIE LADÓN 4214 (2 Intel Xeon Silver 4214, 192 GB RAM)

• NVIDIA Quadro P6000 24GB
• NVIDIA Quadro RTX8000 48GB
• 2 NVIDIA A100 80GB

3 Servidores SIE LADÓN (2 AMD EPYC 9474F, 768 GB RAM cada un)

• 4 NVIDIA H200 NVL 141GB

Servidor SIE HGX (2 AMD EPYC 9335, 1536 GB RAM)

• 4 NVIDIA H200 141GB

2 Servidores SIE LADÓN para inferencia (2 AMD EPYC 9255, 384 GB RAM cada un)

• 2 NVIDIA L40S 48GB

Ofrecemos ao persoal investigador un servizo do tipo IaaS basado en Proxmox. Este servizo consiste en servidores privados virtuais na nube correndo sobre cinco servidores conectados a un almacenamento distribuído. Esto proporciona aos usuarios unha contorna totalmente configurable para realizar desenvolvementos, probas, despregamentos, etc.