Visitas

As visitas guiadas, feitas polo noso persoal investigador e adaptadas á idade das persoas visitantes, inclúen demostracións interactivas das liñas de investigación do CiTIUS. O estudantado poderá coñecer as nosas instalacións e visitar os nosos laboratorios da man do noso equipo investigador.

As visitas diríxense principalmente a grupos de estudantes de colexios e institutos, ou de asociacións, con interese en coñecer a investigación que realizamos no CiTIUS. Con isto perseguimos dous obxectivos principais:

• Estimular novas vocacións entre a mocidade, non só dende o interese polas novas tecnoloxías, senón tamén dende a creatividade e o enxeño.
• Dar a coñecer á sociedade a actividade científica do noso centro, explicando a utilidade dos nosos resultados.