Encontro CidadanIA (Cátedra USC-Plexus de IA aplicada á Medicina Personalizada de Precisión)
O Museo das Peregrinacións de Santiago de Compostela acollerá o vindeiro mércores 17 de xuño, ás 19:00, o Encontro CidadanIA, unha actividade aberta e gratuíta dirixida á cidadanía que combinará literatura, divulgación científica e debate arredor do impacto da intelixencia artificial na saúde. O encontro servirá de escenario para a entrega de premios e a lectura dos relatos gañadores do I Certame de Relatos sen IA: 'IA é Saúde', unha iniciativa que reuniu máis de 200 propostas na súa primeira edición e que convidou á reflexión sobre a relación entre tecnoloxía, creatividade e medicina.
Promovido pola Cátedra USC-Plexus de IA aplicada á Medicina Personalizada de Precisión, o evento pretende achegar á cidadanía algunhas das cuestións que están a marcar o debate actual sobre a incorporación da intelixencia artificial ao ámbito sanitario. A través dun formato participativo e accesible, a xornada explorará tanto as posibilidades destas ferramentas como os interrogantes que suscitan desde perspectivas científicas, sociais e humanísticas.
Tras a lectura dos relatos premiados, Fernando Eiras Abalde, especialista en Medicina Intensiva do SERGAS e coordinador do grupo de investigación CIES-CRIT do IIS Galicia Sur, impartirá a charla 'IA e saúde. Quen fabula máis?'. A partir de diferentes casos clínicos, a sesión abordará o papel que están a desempeñar os sistemas de IA na práctica sanitaria e os desafíos que presenta a súa utilización nun contexto no que a precisión, a confianza e a toma de decisións resultan fundamentais.
A continuación celebrarase o coloquio '¿Persoa ou máquina? Unha nova medicina', un espazo de diálogo aberto que combinará a participación do público coas achegas dun panel multidisciplinar de especialistas. A mesa estará moderada por Belén Xestal, directora de Comunicación, Marketing e Relacións Institucionais de Plexus Tech, e contará coa participación de Alejandra Ulla, profesora titular de Literatura Española da Universidade de Santiago de Compostela; José Ramón González Juanatey, catedrático de Medicina da Universidade de Santiago de Compostela; Patricia Martín Rodilla, científica titular en Humanidades Dixitais da área de Sociedade do Consello Superior de Investigacións Científicas (CSIC); e o propio Fernando Eiras Abalde.
O debate permitirá abordar cuestións relacionadas coa convivencia entre intelixencia artificial e criterio profesional, os límites actuais destas tecnoloxías, o seu impacto na relación entre pacientes e profesionais sanitarios e os retos éticos e sociais asociados á súa implantación.
O Museo das Peregrinacións de Santiago de Compostela acollerá o vindeiro mércores 17 de xuño, ás 19:00, o Encontro CidadanIA, unha actividade aberta e gratuíta dirixida á cidadanía que combinará literatura, divulgación científica e debate arredor do impacto da intelixencia artificial na saúde. O encontro servirá de escenario para a entrega de premios e a lectura dos relatos gañadores do I Certame de Relatos sen IA: 'IA é Saúde', unha iniciativa que reuniu máis de 200 propostas na súa primeira edición e que convidou á reflexión sobre a relación entre tecnoloxía, creatividade e medicina.
Promovido pola Cátedra USC-Plexus de IA aplicada á Medicina Personalizada de Precisión, o evento pretende achegar á cidadanía algunhas das cuestións que están a marcar o debate actual sobre a incorporación da intelixencia artificial ao ámbito sanitario. A través dun formato participativo e accesible, a xornada explorará tanto as posibilidades destas ferramentas como os interrogantes que suscitan desde perspectivas científicas, sociais e humanísticas.
Tras a lectura dos relatos premiados, Fernando Eiras Abalde, especialista en Medicina Intensiva do SERGAS e coordinador do grupo de investigación CIES-CRIT do IIS Galicia Sur, impartirá a charla 'IA e saúde. Quen fabula máis?'. A partir de diferentes casos clínicos, a sesión abordará o papel que están a desempeñar os sistemas de IA na práctica sanitaria e os desafíos que presenta a súa utilización nun contexto no que a precisión, a confianza e a toma de decisións resultan fundamentais.
A continuación celebrarase o coloquio '¿Persoa ou máquina? Unha nova medicina', un espazo de diálogo aberto que combinará a participación do público coas achegas dun panel multidisciplinar de especialistas. A mesa estará moderada por Belén Xestal, directora de Comunicación, Marketing e Relacións Institucionais de Plexus Tech, e contará coa participación de Alejandra Ulla, profesora titular de Literatura Española da Universidade de Santiago de Compostela; José Ramón González Juanatey, catedrático de Medicina da Universidade de Santiago de Compostela; Patricia Martín Rodilla, científica titular en Humanidades Dixitais da área de Sociedade do Consello Superior de Investigacións Científicas (CSIC); e o propio Fernando Eiras Abalde.
O debate permitirá abordar cuestións relacionadas coa convivencia entre intelixencia artificial e criterio profesional, os límites actuais destas tecnoloxías, o seu impacto na relación entre pacientes e profesionais sanitarios e os retos éticos e sociais asociados á súa implantación.
Evento presencial
mércores, 17 de xuño de 2026
1781654400000
/events/cidadania-meeting-usc-plexus-chair-in-ai-applied-to-precision-personalised-medicine
events_gl