Taller práctico presencial: 'Sargantana: a nova xeración dos primeiros chips de código aberto deseñados en España. Incorporación de instrucións e verificación'

A Cátedra USC-Televés en Microelectrónica, liderada polo CiTIUS, continúa a súa actividade formativa cun novo obradoiro práctico no que se traballará o desenvolvemento e a verificación dunha instrución personalizada (custom) en Sargantana, un procesador RISC-V de código aberto de primeiro nivel desenvolvido no Centro de Supercomputación de Barcelona, en España. Consistirá en desenvolver unha descrición do hardware en RTL, a súa verificación, a integración no núcleo de Sargantana, a verificación da integración e a medición da mellora do rendemento.

O obradoiro está dirixido a estudantes, profesionais e entusiastas do deseño microelectrónico.

Metodoloxía

• Modalidade: 2 tardes presenciais (21 e 22 de maio de 2026)
• Contido: Exercicios prácticos sobre deseños reais
• Duración: 2 sesións intensivas de 16h a 19:30h
• Prezo: Actividade gratuíta financiada ao 100% pola Cátedra USC-Televés
• Inscrición e contacto: catedra.chip.televes@usc.es

A información completa sobre este curso atópase na web oficial da Cátedra USC-Televés de Microelectrónica.