TeTXT: Rede de Tecnoloxías da Información Xeoespacial para a Xestión Territorial

A rede agrupa investigadores integrados en grupos de investigación complementarios e especializados en diferentes tecnoloxías xeospaciais. Actualmente a rede está integrada por tres grupos da Universidade de Santiago de Compostela e dous da Universidade da Coruña.

Obxectivos

O obxectivo da rede proposta é proporcionar información, servizos e produtos destinados á xestión intelixente do territorio nos seguintes sectores de actividade:

Infraestruturas e ordenación territorial: aplicacións para a xestión de infraestruturas, plan municipal, xestión de riscos, etc.
Sociedade da información: ferramentas para a mellora dos fluxos de información na explotación, xestión e comercialización de recursos do medio físico e na participación cidadá.
Enerxía e comunicacións: aproveitamento de biomasa, deseño de liñas de transporte de enerxía e redes de comunicacións, análise de eficiencia do transporte, etc.